Asoosama imaanaa imaltuu kutaa 7 ffaa
Kuluulee jechoonni ilmooshee garaa raase, "Dhalako," jechuun isa eegalte rarrootti dhiistee, "Uf ... " jettee afuura dheeraa baafataa mudhiitti ol jettee, keenyan kuusaa midhaanichaatti hirkattee erga teesseen booda, "Namni barate kufee hin kufu; atis carraasaa argattee utuu barattee guyyaa tokko nama guddaa ',, akka taatu nan beeka. Kanaafimmoo firri nu barbaachisa. Akkuma ati beektu, nuti garuu... an si malee - atis ana malee fira dhiigaa hin qabnu; antees. Haatni koo - akkoon kee, hojjetaa mootummaa Aanaarraa maatii qabu tokkoof qacaramtee hojii mana keessaa hojjettiif turte: uccuu miiccitiif; ny~ata bilcheessitiif; mana qulqulleessitiif ... Halkan gaafa tokkoo, hojjechisiifataashee kanaan dirqarmtee gudeedamtee hin fedhin ulfoofte; hin fedhin na godhatte; nan guddisin duute. Dhaladhee isuman of baren addunyaa dukkanaa'e keessatti of arge - guyyuma tokkoofillee ifa arguuf kanan hin carroomin. Lafti kaaniif dirree, anaaf bowwaa... allayyaa qiliileedha. Daandiin kaaniif walqixxataas arangamaa hafee na waraana; gufuu ta'ee na gufachiisa; na takaala; na kuffisa; na dhiigsa; na madeessa. Beelli, dheebuun, daarri... dhaamochis qaama kootiif hiriyyaa ganamaati.Ta'us garuu qulqullina koo nan eeggadha ture - huubni uffata koorra hin buutu; miidhagduunis ture. Ana argee, akkanatti miidhegsee uumee Waaqa qaroo na dhowwate kan hin komatin hin turre .•. " "Ammallee ati miidhagduudhaam harme." "Garuu, na miidhe malee nan fayyadne. Rakkina caalaa miidhagina koo kanaadha inni qormaata jireenyaa anatti ta'e." Miirri ta'e tokko keessa Kuluulee qanxooxaa jira. Miiricha dhokfachuu waan dandeessu hin fakkaattu. "Dukkana da'aatanii kan fedha foon isaanii anatti ba'aachuuf na gaadan, kashlabbeefi machooftuu hedduutu ture. Maaramiin garuu dabarsitee harkasaaniitti na laattee hin beektu; taabotawwan an kufee sagadeefis gaachana naa ta'aanii bineensota hamoo kanarraa na eegu turan. abaaramtuu sana garuu, iyya koo utuu dhaga'aanii dugda natti gatuun isaanii maaliif laata?" "Galgalli abaaramtuun ati jettu sun yoomii harme?" "Galgala ani itti naman hin beekneef siin ulfaa'e."
Uf... galgala
Guyyicha, har'as ba'eessa gootee yaadatti!
"Ganna bacaqii keessa! Guyyaan isaas facaasaa! Galgala naannoo sa'a kudhanii anatti fakkaata. Yandoo cimaa qileensa makatetu rooba ture; guyyaasaas inyinya'aa ... qiciica'aa oole. Ciiseera; garuu hirribni na fudhatee of gatee hin rafne. Gara-jabina sanyii Addaam- bineensummaasaanii sammuu keessa naa bulchuuf, harki abbaa kee dhufee bakkan ciise.e jirutti yommuu wal'ansoo na qabu, hanga humni koo naa eyyametti sagalee ol fudhee iyyeen ture; iyya naa birmadhaa an iyye garuu bokkaa yandoo sanatu liqimsee hambifate. Gochaasaa kanarraa of haa qusatuufis jechoota kadhaa an beeku keessaa tokkollee utuun hin hambisin itti dha'eera; inni garuu miira gulufsiisuuniitti jirurraa al tokkoofillee dhaabatee sagalee kadhaa koo isa boo'ichi addaan kukkutu sana dhaga'uuf hin eyyamne .•• hanga humni na danda'es of irraa faccisuu yaaleera ... garuu hin dandeenye.Hanga galgala sanaatti dhiirti na bira ga'ee hin beeku ture ••• iyyi koo, wixxifannaan koo, wawwaannaan koo sun marti homaa na hin fayyadne ... halkan tokkottin anis akkuma haadha kootii hin fedhin ulfaa'e; hin fedhin siin da'e. Garuu, singuddisin hin du'u!" Jettee humnaan dubbatte. Itti fuftees, "AI tokko-tokko yommuu n taa'ee yaadu, akkuma namootni jedhan, Dorombeef si laachuu diduun koo tarii ofittoomeenii laata-n jedha." "Gaabbiin sitti hin dhaga'aamin harme; murtoon kee sirruma ture. Anaafisimmoo qannoo mana ormaarra, Si'i - hiyyeettii haadha koo naaf wayya." Kennaan xiqqoo yaadee dubbachuu itti fufe; "Harme wanti ta'e hundinuu gaarummaaf akka ta'etti amani; namticha walakkaan dhiiga kootii dhiigasaa ta'e sanaafis dhiifama godhiif. Anaaf garuu kaleessas, har'as, fuul-durattis abbaan koo Waaqa," erga jedhee booda, gara dhimma marii'achiisuuniif hirribaa dammaqseenitti deebi'ee, "Dhiphinni kee naaf galeera.
Sagaleedhaan
👇👇👇👇
Comments
Post a Comment