Asoosama imaanaa imaltuu kutaa 3ffaa
Yooyyaa.ashamaa akkam jirtu hordoftoota koo asoisama gabaabaa isiniif dhiheesaarea obsaan dubbisaa
Lapheen asaasa qalbii dhaga'e, kanuma dhaga'e
dabarsee sammuu dhageessise. Jennaan Dorombeen
bu'aa-ba'ii malee haadhomuu yaadde - mucicha
mucoomfattee ! Dhumarratti, miira kanaan
hoofamtee dhaqxee, mucaa itti tolee harma haadhasaa
hoomacheeffatee hodhuutti jiru buttee kaasuutti
baattee, ija haadhomeen achii-gadi ilaalaa, Afaan
Oromoo isa akka Afaan dhalootasheetti qulqullisa
haasoftu sanaan Kuluulee gaafatte - dhala kee naa
kenni jettee.
Kuluuleen, godoo mataa jala kaa'attu kan hin qabne
kadhaan-bultuudha; akkasumas qaro-dhabeettii
guyyaan itti dukkanaa'e. Ammammoo, yeroo itti biyyi
waan nyaatu dhabee beela'ee, duutni beelaan da'aatee
balbala mana nama hundaa jala riphee ciisaa jiru
keessa, lubbuu biraan waan nyaatu isheerraa eegu
tokko gara jireenyasheetii dhufeera
mormaarratti gooba qeerroo!
quufa Egaan, yeroo hamaa akkanaa keessatti kuluuleen waanlammiin hin yaadin faranjii ormi tokko yaaddeefii,
'kennadhu kan ati dhalten guddisaa' jechuun ishee,
tarii kun waliif gaddiinsa namoomaati; mucaa
dhalateefis tuqaa dabsama jireenya daandii
lakkuurraati.
Haata'u malee, waa'een waliif gaddiinsi namoomaa
akka jiruun yaada gaarii akka ta'etti yeroof
haaturuutii... dhugaan jiru tokko, hammam
haarakkattu, hammam haakadhattu, hammamis
jaamaa yoo taate, haatni haadha; dhallis dhala.
Dureessa-deegaa, kennaa-fudhataa, adii-gurraacha ...
jedhee hin foo'u; garaan haadhaa garuma haadhaati;
garaan dhalaas akkasuma.
Maalreegaa, dhala kee baatii sagaliifi cina garaatti
baatte dabarsii naa kenni jedhamtee haatni gaafatamte
deebiisheen kennitu tilmaamuun nama dhibaaree?I
"Rakkina koo har'aa ilaalee, kennaa Rabbi naa kenne
dabarsee ormaaf hin kennu," jette Kuluuleen.
"Kennaa!" Jettees maqaa moggaaste - maqaa
bareedaa! Maqaa seena qabeessa!
Dorombeen deebii kennameef dhageessee battaluma
abdii hin kunne. Dabaltee-daddabaltee, gama
tokkootiin carraa mucichaa jalaa gubuutti
jiraachuushee Kuluulee hubachiisuu yaalaa, gama
biraatlinimmoo waadaa gargaarsaa seerij'.lafii, haadha
amansiistee yaadashee durattii jijjiirsisuuf hedduu
dhamaate. Haatni garuu doorsisaafi urursa sana
mara homaatti utuu hin hedin diddaasheetti cichite.
Yaaliin sun marti dadhabbii akkasumaanii harkatti
taanaan, Dorombeen, akka dal'anuus, akka mufachuus,
akka aaruus taate; akka waan dugda- baasni waliif
gaddiinsa namoomaa, waliif kenniinsa dhalaafi
haadhomaa ta'ee! Haatni dhala koo hin kennu waan
jetteef jibbamte. Gargaarsi irraa cite. Garaan
baqaqsamee hodhame madaa utuu hin qoorfatin,
"Ba'i!" Jedhamte. "Hin ba'u!" Jettee goolii hin kaasne
haatni; harka tokkoon mucaa abbaa godhatteef hin
beekne kaasuutti qabattee, harka biraan ulee of dura
hafarsaa - lafa tuttumataa - karaa ilaallataa - dhiiga gadameessichaa cocobsaa moraa keessaa baate.
Comments
Post a Comment